--------------------------------------------------------------------------------
عمت عين القلم مايوفي للاوطان
وشلل كلمن يسولف عنك ابشينه
وعمت عين الحروف التستحي من الناس
البشر ام وابو يعني القصد طينه
طينه وتطغي كامت وبصلافت عين
ياطينه وطغت حت طينها اتهينه
لاتبجي الوطن ملعون يالتسماح
دمعاته جذب من تلمع بعينه
مو شفتك امس تفرح كَبال العين
من طاح العلم حنينه ايدينه
عمت عينك يول غشوك الامريكان
وعمت عين الذي ماشايف بعينه
كَلوب الي انعمت بس العيون اتشوف
شوف اشلون وك دارالزمن بينه
تشوف الي امس جانوا حمات الدار
حرامينه صفى ياناس حامينه
تشوف اطفال ماتت من ورى الجوع
وطفل بعده الورد غافي اعله خدينه
مات بحقد ناس التكره الاطفال
وتكره هالوطن كل مذهبه ودينه
سياستنــا فرق موت وقتل ورهاب
ملينه القتل يانـــــــــــــــــــــــــاس مليــــــــــــــــــــــنه
جم عام المضت والوضع نفس الحال
دكَلي انت بضميرك عيشتك زينه
اكيد اتعس وضع يصبح وضعنا اليوم
من طاح الكَوي وكثرن سجاجينه
للكاتب رأفت الحديثي
تحيـــــــاااااااااات